Tmsmunt Aza gh Uglmim - Anqqis

S usrag n w ass amadal n izrfan ufgan, tmgraw taymunt n izrfan ufgan lli icukkan i tmsmunt n aza, gh mnnaw igrawn bac atzr tassasin lli gh llan izrfan ufgan. Mayan af tsffugh anqqis ad ar gis tbrrah uw mnnad yuman n umddur d w amur d umadal : Han izrfan ufgan llan gh yat tassast ihrcn, d yat taksna igan zund tullazin ar smdudunt afgan, ula amssutl lligh iddr. Zgh lligh tlul tamsmunt n aza, gh asggas 1997/2947, tsker yan usisfiw tnna gis : masd imazighn llan gh yan usmrrt ihrcn, acku tawwunkt tsala tasrtit n’APARTHEID’. asnuhyu gh ibarazn n tudrt s kra gan : tadamsa, timtti, tasrtit, tawsna, Asnuhyu gh tinmal, asnuhyu gh tmglayt, asnuhyu gh taghdmt, asnuhyu ula gh tswak, Asnuhyu gh Uklu n Udem. Azakak n mayad igat s kra iga a3rabn lli ffughnin f imddura n tudrt, tanbbat ula walli fllas illan iga amghar n yan gh ikabarn n tsrtit sutrnin f sin isutar : azur n wa3rabn d thdrunt. Afgan amazigh illa gh tassast d usmrrt. Tawunkt tcukka a3rabn, mayad iswatst i tksart, afgan ira tilila n izrfan. Nra gh inflas n tmazirt ad ssen, masd tamazirt ad tga tin imazighn, illa fllasn an ur ssakin addur ufgan, illa fllasn ad sbidn asffud d usitti n tmagit, sllawanak ligh watsn s mayan timgharin lli ganin tisalmadin n wazzan, ig mayan taksna d tullazin itmagit n wazzan. Asitti n tutlayt Tamazight gh ilmmudn ad, asffud n tmzwit lli mu ttinin ( mahwo lommiya), asnifl n tutlayt n tmazgha s tutlayt n w a3rabn iga tayyti ihrcn Iyzrfan ufgan. Awttas gh mayad igat gh dar ahmed tawfiq ula lwizara lli f illa ayskr tawunkt ula amadan a3rabn issls I tmgharin timlsit urigan tinsnt. Lwizara n ugns ula nttat, tsala asnuhyu d tsrtit n ‘APARTHEID’, tsred ukabar agdudan amazigh- llid iffughn gh tdrawt n tmtti, iga akabar amzwaru n imazighn- tskr is tettu akabar n listiqlal lli ibidden f wazur a3rab zgh lligh illa uggar n smmu mraw n usggas ayad, isala bdda tasrtit n ‘APARTHEID’ ur jju ila madas isrdn nghd at isbid, acku taghdmt gh tmazirt ad tga udmawn aylli iswatsn tamazirt lmghrib itksart d ugdi, acku tasrtit taracbbuh aynttun imakrn n umzruy d tmagit n imadan ad skarn mayan. Mayan afa nttini gh tmsmunt n aza mas ixassa attili yat tnabbart tamadlant zund tin lahay ad tzli s willi snifalnin amzruy n imadan d willi salanin tasrtit n ‘APARTHEID’, zund ifrdas n tnabbat n tmazgha n utrim(tamazgha lgharbiya). Imakrn ad n tmagit n imadan ixassaten ad frun, acku tasrtit n ‘APARTHEID’ lli salan tga tamttant I madan. Ar ntini inflas d inbbarn, ad sbiden mayad gh man ur yaggugn, acku igh ur skirn ghikan ir ad yili, igrud mad ur tamn. Dulatn : tamsmunt n aza Irad tsfugh anqqis yuman f izrfan n ufgan gh usfan an d yuckan s tutlayin n brra: Tafransist, Tasblyunt, Tinglizt d Ta3rabt. Tamttant Iymggaln n Tmazight Tudrt iy Imazighn Tudrt iy Tmazight Tudrt iy Tmazgha Azwul n Umaris Amglay N Tmsmunt Aza gh Uglmim g 28/11/2957 lli d yuckan d 10/12/2007